續 : 深圳兩天遊午飯
我們成團人剛吃過午飯 , 本來好想再坐一會 ,
但導遊哥哥逐枱過來 , 叫大家出去行下 ,
行就行囉 !
這裡比粉嶺仲要落後好多 , 沒有什麼好看 ,
店舖衹是一些細細間像舊式士多 ,
賣汽水糖果雪糕和水果 ,
我們行唔夠十分鐘 , 導遊哥哥又催上車 ,
數齊人立刻開車 , 他一開口就問我地 :
你地啱啱食完十全十美特式餐好唔好食呀 !
我地全部人都冇答佢 , 跟住佢就自顧自地說 :
你地今次食完 , 第日嚟自由行就嚟呢度食飯 ,
你地有冇攞咭片呀 ! 又係鴉雀無聲 ,
我心諗仲敢嚟呢度食咩 !
開場白講完 , 開始入正題說 :
現在我地先去萬景樓參觀 , 時間衹有 55 分鐘 ,
跟住就返酒店 ,
等我分派房間就可以上房休息 ,
你地0既回鄉証 , 我巡房嗰時比番你地 ,
房間有7 條毛巾 , 無厘頭做乜講毛巾0既 .
心諗巡房你估你係醫生咩 ,
今晚自助餐 6 點鐘開始至 9 點 ,
今晚好多人0架 ,
你地唔好咁遲落嚟食呀 ! ( 好似講到遲咗冇得食 )
心諗乜萬景樓唔係明日0既節目咩 ,
現在去埋咁明日咪好得閒 ?
又係隻字不提萬景樓係乜嘢地方 .
回家後上網睇過萬景樓資料
, 大概係 2005年建成的 .
城牆好高 ,
高到在行人路影唔哂 ,
但我又唔敢行出馬路 , 就求其影到幾多就幾多 .
建築物大部份都鎖住大門 ,
除了做生意的就有開門 .
牆上的字我又係唔多識睇
屋簷上的雕刻
涼亭樑上的畫
行到盡頭也有通道到另外一條街 .
我和相公急急腳睇完萬景樓返回旅遊巴士 ,
又立刻開車前去今晚留宿的麒麟山景酒店 .
待續 ............
沒有留言:
張貼留言