中山小欖菊展兩天遊

我和相公到國內玩兩天 , 

氣溫驟降 , 天氣寒冷又不停下雨 .

清晨從家中出發 , 雨下過不停 , 而且寒冷得很 .

今次我們的行程有 :

第一天 ,

李禧記嘗雙皮奶 ( 自費 )

順德阿二靚湯午飯 ,

歐陸色風情大良蓋華路步行街 ,

南國絲都絲綢博物館 ,

入住順德駿景酒店 ,

大板橋農莊吃晚飯 .

第二天 ,

酒店自助早餐 ,

中山小欖龍山公園一年一度菊展 ,

原生態有機農莊吃午飯 .

雙皮奶好細碗 , 心諗要食兩碗才滿足 , 

碗奶蕩蕩下好似好稀 , 食啖試下先 , 

嘩 ... 好熱差點燙親個嘴添 , 原來唔稀0架 , 

好滑唔太甜 , 奶味跟香港的奶好唔同 , 稍有羶味 , 

食幾啖已經幾滯口 , 食一碗已經好足夠 , 

食完雙皮奶好似身體暖了許多 , 

等各個團友賣完手信 , 我們便去亞二處飲湯 . 

當旅遊車把我們送到阿二門前 , 

第一眼見到這架三輪車 , 好像在片場睇拍戲 . 

所有枱椅都是酸枝木造 , 

天氣咁凍坐在上面 , 陣陣涼氣傳上來 . 

阿二仲賣埋蛇酒

臘腸臘肉煲仔飯唔太熱 , 

團友同導遊講 , 他立刻叫侍應整番熱 , 好好味 .  

微暖燒鵝半隻係同枱的團友自費請我們食的 , 

但我唔食鵝0既 , 同枱團友大讚很好味 .

鴛鴦雞伴炸大良鮮奶 , 鴛鴦即是白切雞和燒雞 , 

兩款雞都很有雞味 , 大良鮮奶唔太甜幾脆 . 

肉丸煮小棠菜

炆豬肉煮白豆角

炆過的豬肉好似東坡肉 , 肉質較爽口味道唔錯 .

菜心苗魚皮餃 

上湯津白

蒸扁魚我從未吃過 , 團友邊吃邊讚 , 

非常好味但好多骨 ,真係咁好味 ? 淺嘗一口吧 ! 

我試了少許 , 真係好鮮甜美味好滑 , 

但太多幼細骨唔敢再吃 . 

蒜茸辣椒蒸陳材粉 , 好滑好好味 , 

比香港酒樓的排骨蒸陳村粉好吃得多 , 可能地道較新鮮 . 

飯後甜品唔知乜名堂 , 外面炸得很脆甜甜地 , 

好似雀巢盛著一些類似炒牛乳的白色甜甜地的物體 , 味道一般 .

每人一盅燉湯 , 兩款選擇 , 

1 . 川芎白芷燉魚頭   

2 . 西洋菜南北杏豬肺湯 , 

相公要川芎白芷燉魚頭 , 我飲了一口 , 

葯材味好濃還有少許辛辣 , 湯味很鮮 . 

西洋菜南北杏豬肺湯 , 很清新幾好味 .

導遊介紹這款糕點 , 名為 " 倫教糕 " 又名白糖糕 , 

很久以前吃過 , 但近年來也很少見 , 

印象中有時食到少許酸酸地 , 

但今次吃起來很爽口唔太甜又冇酸味 , 唔錯的 .

飯後果西瓜 , 太飽冇吃過 , 

看到它幾受團友歡迎 , 我諗都唔太差 .